○五年出道的新人王側田是個真實姓名不詳、頭頂不見光的神秘新人，原來出身音樂世家，因失戀作歌而加入樂壇。側田由幕後跳到幕前，處男唱片銷量超過二萬張，經理人黃柏高遂乘勝追擊，○六年為他在紅館舉行個唱，算是最快踏足紅館舞台的歌手。
有人說香港識唱歌的歌手愈來愈少，近年大熱的側田歌藝可說是技驚四座，側田不敢說自己來自音樂世家，但識唱歌絕對是遺傳，他說：「當年嫲嫲四姐妹都唱歌，爸爸業餘玩音樂，阿叔咪TedLo（著名音樂人，曾為林憶蓮及Beyond等製作唱片）囉，我同兩個妹都唱歌，十六歲喺美國嗰個妹唱得最好，另一個妹都有做古巨基演唱會，佢𠵱家做緊金融，份工幾好唔會轉，玩吓就OK。」
「失戀作首歌」
寫情歌，必定有深刻的愛情故事，側田之所以加入樂壇亦離不開愛的故事。不過這是一個失戀的故事，今年二十九歲的側田拍過兩次拖，五年前與拍拖五年的女友分手，問他為何被撇，側田超光速回應：「唔係撇，佢話要搵番自己。我哋𠵱家重有聯絡，係好朋友，我當時失戀作咗首歌，阿Mark（雷頌德）聽過囉。」
被人hurt完之後要hurt人，側田說這是人人必經的，好似搵替死鬼，側田說：「第二次我唔再做儍仔，我同第二個女朋友本來好好，拍咗半年拖，嗰陣我同佢父母見過一次面，佢媽媽知我做音樂就講咗一句說話，於是我決定分手。」那句說話是「You'relost,Justin」側田說：「我係嬲個女仔冇backmeup，佢媽媽睇唔起做音樂嘅人，佢一句說話都冇幫我講，我係自卑，但如果我阿媽話我女友，我一定出聲。」
「拍拖會公開」
諷刺的是，奉「作歌靠拍拖」為不二規條的側田，現在因為要唱歌而不能拍拖，側田不敢說是公司不允許，入晒自己數，他說：「自己知拍拖唔係咁好囉，好似黎明嗰個級數咪拍得囉。但唔拍拖作歌邊有feel呢，其實拍拖唔係罪，正常人嚟㗎嘛，當我機械人咩？我拍拖會公開㗎。」
拍拖會公開，但自己姓名始終拒絕透露，最多只知道洋名Justin，因為是著名音樂人TedLo的姪兒，所以他姓羅。側田在美國出生，大學畢業後到三藩市幫Yahoo！做Interiordesign，○二年沙士前返港，側田邊為Yahoo！做freelance，邊作歌做demo寄給全港各大唱片公司，想做全職音樂人，結果獲雷頌德賞識，第一首被錄用的作品是胡彥斌的《目不轉睛》。
「頭有兩隻角」
玩神秘成為側田的必殺技，就連戴帽都可以令人有多番揣測，懷疑他頭上有乾坤，他卻懶得理地說：「我個頭有兩隻角嘛，其實我唔係咁鍾意人哋談論我外形，我唔係sell樣。」說到底，不除帽的理由很簡單，因為側田頭髮天生鬈曲，覺得不好看才不願讓頭髮見人。
去年年頭，黃柏高聽完側田自唱的demo，便說要幫他出碟，繼而安排他替古巨基演唱會作和唱，初試啼聲，驚為天人，推出處男大碟也大受歡迎，銷量超過二萬張，橫掃各大小頒獎禮的新人獎，黃柏高乘勝追擊，決定三月二十六日為他舉行紅館個唱，可能是出道後最快在紅館開個唱的歌手。
「鬥耐唔鬥紅」
側田坦言個唱希望不止開一場，因為第二場才會表現perfect，上得快亦怕跌得快，側田開頭都識驚，經雷頌德一輪心理輔導後又釋然，他說：「我自己做監製，幕前只係副業，當然公司唔係咁諗啦，我阿媽教我，做人一定要有防備，我唔做歌手可以做番監製，再唔得咪做番design囉。有人同我講，呢行唔係鬥邊個紅，係鬥邊個耐，我覺得好啱。」
撰文：蔡如玉
攝影：陳志嵐
化妝：DeborahVaughan
