政改方案畀泛民主派否決，政務司司長許仕仁當時就梗係嬲，但佢之後就唔使再搞政改，可以樂得清閒做吓其他嘢，都唔知幾梳乎。佢噚日就去咗海洋公園，出席佢哋個保育基金成立典禮，肥龍特別走去熊貓館睇「國寶」，重同一大班小朋友一齊畫熊貓，肥龍出名對藝術有研究，睇歌劇唔少，噚日見佢對畫畫都似乎有一手，落手落腳教班小朋友點畫熊貓，好受小朋友歡迎！可惜班文化界唔似班小朋友咁對佢咁友善，唔係西九龍文娛藝術區發展大計就唔會搞到佢頭都大埋啦。
爆料熱線：29290000、27860099
報料傳真：26239278
報料電郵：[email protected]