在光岡車系中，對Galue的印象最深刻是那勞斯萊斯的外貌，到了第二代，又加入先進的車廂設備，而第三代則正整裝待發，暫定06年3月到港。貪新亦唔可以忘舊，趁新車還未到，今日特別搵阿Rain（李彩華）試駕一、二代Galue，等大家可以重訪這兩位「老人家」，又即管睇睇阿Rain舞唔舞得掂。
記者：黃婉冰
攝影：陳陶鈞
查詢：恒昌汽車23660910
是日拍攝相機：CanonEOS1DMarkⅡ
阿Rain：「速度似隻馬」
阿Rain平日甚少駕駛，很多時都是由保母車接送，我還打算先叫她慢慢試揸一段路，摸熟後再正式試車，怎知她毫不猶豫就跳上車，入波、加油，一支箭就飛到無雷公咁遠，幾分鐘後，又如一陣風咁飛返來，事後問阿Rain評價，她第一句就話：「個速度似隻馬咁，呢兩架車快得來好輕，好易操控、好夠力，睇位又易。」
兩代Galue的靚仔樣同樣得到阿Rain的垂青，「兩部車有內在美又有外在美，我覺得第一代嬌小啲，好啱女仔揸，第二代設備新啲，啱啲鍾意新科技嘅人。我最鍾意佢個車頭，特別係第一代，個樣好流線同得意啲，同埋所有電鍍部份都好靚，我都好期望第三代架新車。」阿Rain果然識貨。
兩代同堂鬥靚仔
第一代較有老爺車的味道，這可能是因為人手打造的金屬部份較多，加上一身流線線條感，刻意在操控方面做到與舊款車相似，駕駛着它，令人感覺有如時光倒流幾十年！
論樣貌，第二代比第一代較為遜色，車頭收窄了，沒有了那種霸氣，但就多了一點摩登感，車廂布局和設備亦先進起來，如後波電視、記憶電動座椅、獨立音響視頻插座、車內系統狀況顯示，想不到在充滿60年代豪華氣派的老爺車殼下，是一系列先進電子儀器，新、舊交融，別有一番駕駛樂趣。
外觀：第一代勝在靚仔。
車廂：第二代勝在豪華。
輪圈：第一代勝在有鋼線。
舒適性：第二代勝在夠大。
