提到擯辮，腦海中想起的是不是村姑或學生造型必備的粗孖辮？如果你是這麼想，那實在是太Out了！皆因今季無論天橋花生秀、明星以至街頭都出現不少辮仔黨，之但係現在流行的辮仔不再是整整齊齊咁老土，不規則誇張辮仔先最搶，唔想有形無神，先向眾星名模偷偷師，再學埋三大熱門造型精髓啦！
記者：謝翠玲
攝影：何家亮
Makeup：Yuki（MaeVon）
Hair：Nowella（privateiSalon）
Model：Jamie&Bowie（HKGenesis）
星之教室：時裝辮仔Mix&Match
辮仔不只流行於天橋，呢陣熱潮早已吹到一班紅星頭上，以一身潮着或高貴晚裝配辮仔，撞出獨特的矛盾美感。
天橋擯辮潮
粗辮盤頭 Party味濃
今季天橋最突出的新髮型該是Viktor&Rolf的超粗單辮。單單一條簡單粗辮放頭上，配上濃豔眼妝，去Party一見難忘。
頭髮唔多紮唔到粗辮？可以買定一條長假髮擯辮，可以直接加長頭髮，又或盤起增加頭髮質感。
短髮辮仔頭 型夾活潑
除非頭髮短得像Skinhead，不然都可以擯辮。不規則的紮法令一頭短髮變得有個性，配型格或可愛的Style一樣得。
將頭髮分前左右三部份。每部份隨意抽出細細一束束頭髮，紮成小辮子。髮尾逆梳，保持凌亂感。
不規則辮仔 甜美少女
孖辮造型給人十分濃厚的學生味，唔想俾人笑是學生妹？可以加多幾條細辮混在孖辮中，青春無敵美少女Win晒！
前額頭髮貼面紮辮仔，再隨意抽幾束頭紮成幼身辮仔。每邊頭髮紮成粗辮，用手拉鬆，製造粗幼不一的效果。
街頭擯辮少女樣辦頭
明星有明星玩辮，街頭少女也自有板斧，玩辮玩到有型唔娘。這兩位街頭少女的擯辮頭，值得一學。
擯辮配面形小貼士
圓面或方面
「如果面仔圓圓，便不要把前額劉海也擯辮，將圓面自暴其短；可以將耳側兩邊頭髮往後紮辮仔，令面形收窄。後面宜放散。」
尖面
「基本上任何紮辮都好看，如果將全部頭髮擯辮往後紮起，更可突顯明顯的輪廓。」
