位於金鐘太古廣場嘅UA戲院，蘭西時不時都會幫襯，座位設計好舒服，但戲院可能嫌唔能夠追得上時代需要，所以決定翻新，下半年至重開。
太古地產與UA院線聯合宣布，UA太古廣場，今個月二十六日（下兩個禮拜四）起，暫時關閉，進行大規模裝修及革新，將在○六年下半年，推出一個更現代化嘅戲院。
太古地產董事總經理高晉年話：「現今顧客的要求，日益提高，因此，必須在戲院內增設新的設施及數碼科技，而更重要的，是提供看台式的座位安排，令觀眾在欣賞電影時，可以有更佳的享受。」
太古與UA院線關係密切，好似呢間戲院就喺八九年二月，與太古廣場同期開業，而太古唔少商場，裏面都有UA戲院。