又嚟一舖兩瓣？唔係cafe加二手衫，就係cafe賣首飾，都已經開到成行成市啦。不過咁濫又使乜我哋介紹，今次帶你去嘅兩瓣舖有得食之餘，最啱男男女女一齊去，同時滿足兩性要求。睇舖面重要估估吓，都未知佢掛乜嘢羊頭賣乜嘢狗肉，不過走入店內就包你滿意。講咁耐，快啲睇吓猿人pancake店同車房餐廳啱唔啱你胃口啦！
記者：黃若茵 攝影：黃子偉
模特兒：Christy（PureModel）、Pakho、Mic
原宿進駐銅鑼灣
班戟是原宿潮人愛吃之選，BAPE則由裏原宿興起，兩大日本潮物湊合一堂，即成銅鑼灣近期最hit嘅兩瓣舖NothingMuch。從外表看，只是一間普通嘅班戟店，踏入店內卻另有一番天地，全部出售嘅貨品都係後生仔女最愛嘅BAPE。舖面嘅大電視重長期播放猿人designerNigo的事迹，直情啱晒後生仔女口味。
食堂變時裝店
印度老闆Paul愛死BAPE，嚟緊佢重會跟一些美國HipHop品牌crossover，並於5月左右推出自己個人品牌，實行大展拳腳！
昅吓有乜先
NothingMuch（21170007）銅鑼灣景隆街5號
男洗車女等吃
男士入車房維修汽車，要女友陪住又真係幾煩，所以有車房索性搞埋餐廳，讓男士一邊等整車，一邊同女友享用高級菜式。雖然餐廳喺車房隔籬，但絕對衞生，因為餐廳職員跟車房職員分開，絕唔會又整車又煮嘢食，而且店員都幾靚仔㗎。
NTI/QPlace（28720193）西環科士街36-40號地下
