妹妹的故事：極級護理洗蒸燒

妹妹的故事：極級護理洗蒸燒

唔單止個樣要靚，全身都要靚，尤其是皮膚脆弱的妹妹，就更要做齊保護工夫。在日常生活中，清潔程序點少得；想舒緩放鬆，就要搵特別護理療程，燒艾蒸草藥試過未？貪靚貪潮唔怕痛嘅，索性穿環加裝飾。邊個話妹妹淨係同弟弟玩㗎！

呵護大行動

初階：清洗滋潤表面白滑

既然唔係個個女仔都知道妹妹有護理產品，咁我哋就精選一啲有效實用嘅護理產品，畀初哥照單執藥。

清洗滋潤

細緻戀愛精華素$280（c）
■質地接近凝膠，感覺清爽並能快速被人體吸收。

細緻潔淨香體噴霧$109（c）
■迷人幽香能中和體味，減褪黑色素。

令膚適女性衞生潔膚液$39.5（a）
■可減少痕癢和辟除不雅異味。

高潔思女性衞生濕紙巾$7.9（b）
■Ｍ到適用，方便去街時時攜帶。

令膚適灌洗器物$65.9（a）
■稀釋衞生潔膚液，倒入灌洗器，清洗內陰用。

脫毛：舒適仕女除毛刀$59.9（b）
■附有潤膚皂的刀頭，呵護肌膚。

Veet脫毛蠟貼$71.9（a）
■貼上後搓熱即撕，適合敏感肌膚。

舒緩痛楚：SmilingFace經痛貼$12（b）
■把暖暖包貼在褲內即可。

紅石榴紫水晶$128（c）
■放在腹及腿等穴位加以按摩，達至舒緩效果。

舒緩經痛香薰油$88（c）
■走珠式設計，塗於腹部可增血液循環。

當街攔截

雖然身為女性，就算分得清cream同mask，有啲護膚品點都會走漏眼，唔信？即場考吓你。

Isis：噴面用嘅保濕水？
錯！係用來噴妹妹。

Maggie：同芝士蛋糕一齊食嘅玫瑰花茶？
啱！重可以減Ｍ痛㖭！

Viola：搽面嘅精華素或眼霜？
錯！係妹妹精華素。

Apple：按摩油？
錯！係有助減褪妹妹四周黑色素嘅浴油。

shoplist

a）屈臣氏（25770081）
銅鑼灣京華中心　　　　　

b）卓悅（23751382）
尖沙嘴海防道38-40號

c）TUNE（31022585）
銅鑼灣世貿中心二樓212B

中階：熱力舒緩痛楚

想調理身體，可以試試美容院推出的艾條和Prai香草護理，有助減輕痛楚。

燒艾暖肚舒緩

四川的艾炙療法可以溫暖子宮，調理荷爾蒙，舒緩經痛；更可祛肚風、肚紋。每星期做一次，就如吃中藥調理身體。

■燃燒艾條，利用熱力將藥效滲入臍穴。

■燒艾前，先要做磨砂、按摩腹部以推肚風。還要用機吸按腹部，塗上泥蠟和薑香薰油。

草藥蒸身

焗Sauna可以養生，泰國的香草Prai有改善荷爾蒙功效，加入南薑和黃薑等草藥，皮膚吸入草藥蒸氣，對子宮有保養功效。

HealingHandsSpa（28915151）
地址：紅磡都會道七號都會海逸酒店九樓

熏臍治療　$480（一小時）
草藥蒸熏帳幕　$380（半小時）

■走進充滿草藥蒸氣的帳幕，讓草藥成份滲入體內。

■草藥包包括香茅、南薑、黃薑和Prai等香草。

高階：穿環脫毛靚上靚

穿陰環夠激

女仔穿耳環、臍環、乳環很普遍，穿陰環就較少。開設耳環店的Anna說：「穿陰環嘅人由十幾歲至四十幾歲都有。」穿陰環要用全新工具，基本上屬一項小手術，穿後至少六星期不可有性事，每次如廁後要用專用消毒藥水洗淨。雖然咁麻煩，但愛靚嘅人依然很多。

■Anna係香港少數的有牌專業人體穿環師。

MHKbody-piercing（27242978）
地址：尖沙嘴百利商業中心二樓37號舖
穿陰環：$1,200起

■誇張的吊飾不是平日戴的，當然是特別時刻才用。

■陰環跟耳環明顯不同，陰環只有圓的，沒有尖的，因為怕會弄傷敏感部位。

美白脫毛

女士夏天穿比堅尼泳衣，無論泳衣幾性感，款式幾搶眼，最忌露出不雅毛髮。一子錯，滿盤皆落索。激光脫毛夠徹底，同時可以美白肌膚和收細毛孔。每兩個月做一次，約四至六次就能做到永久脫毛，無後顧之憂。

dermes（28900111）
地址：銅鑼灣恩平道40-42號亨利中心1、16及23樓
激光脫毛：$10,000（比堅尼外線位置），$18,000（全比堅尼）

■先在手臂測試適合的激光能量，脫比堅尼位置的毛髮需約20分鐘。

每天做足清潔護理，成個人就更顯輕鬆自在。