謝霆鋒：我聽到Lisa姐發生呢件事都好震驚，我會打電話慰問佢。𠵱家藝人成日返內地，人哋在明你在暗，盡量小心，其實公司由今年開始，我每次返內地都會安排兩個福建嘅武館教頭陪我，所以好安全，況且真係有乜事嘅話，都相信公安可以處理。
陳慧琳：我試過喺內地做完騷，跟住司機車我哋去市區，但去到高速公路佢要放工就叫我哋落車，當時又黑又凍，鍾珍叫我用毛巾蓋住個頭，唔好俾人見到我，費事俾人拉上車，以後都要小心啲，唔好帶咁多cash喺身囉！
許秋怡：我試過喺內地叫街車，個司機用鄉下話同人講要喺公路等一等，好彩我聽到一啲，即刻打畀老公扮同公安局局長通電話，個司機先唔敢亂嚟。
任達華：我都成日返內地做嘢同打golf，好多朋友都中過招，我聽朋友話嗰啲路霸會截停你，屈你撞壞佢部車要求賠錢。我覺得深圳巿政府應該正視呢啲路霸，並且嚴懲佢哋，積極搞好治安，始終呢啲問題會好影響中國旅遊發展。