徐子淇前晚以低胸裝出席活動，對於被蘇民峰批若今年不跟富家子男友李家誠結婚，便會分手，她輕鬆地表示現在很開心，還春風滿面地搖晃身體以證不會走光，看來一切心中有數。
徐子淇、鄭裕玲（嘟嘟）、伏明霞、伍詠薇和久違了的狄寶娜摩亞等前晚在中環出席由賈思樂籌辦的「Braccialini開幕派對」，徐子淇身穿低胸裝亮相，她說：「條Gucci裙喺英國買，幾萬蚊，唔性感呀，條裙好貼身，唔使黐膠紙都好緊，又唔使谷胸，就咁戴個bra就得，唔會走光。」說罷還不停搖晃身體，以證不會走光。
狄寶娜發福
有報道指堪輿學家蘇民峰批子淇和恒基太子爺李家誠今年不結婚就分手，子淇說：「我唔會因為佢嘅說話而做啲乜，開心就夠，順其自然。」那男友有否求婚？子淇說：「唔講呀，分手同結婚都唔係一個人嘅事，緣份到就會，今日唔知聽日事，如果兩個人想成世都一齊咪結囉，我哋𠵱家好開心。」
至於移民溫哥華十三年的狄寶娜摩亞亦性感亮相，明顯發福的她透露十多年內只回港兩、三次，現時在溫哥華主持電台節目，她說：「我專登返嚟幫賈思樂，好多年老朋友。」狄寶娜結婚七載，丈夫是溫哥華華僑，她說：「我哋冇小朋友，不過養咗隻狗。」
嘟嘟談塌鼻
與賈思樂相識三十年的嘟嘟亦畀面捧場，她說：「佢老闆知我嚟，送咗件三萬蚊嘅皮草，一個紅色手袋同一件fur背心，總值都十萬㗎，今日二十度我都着住嚟。」有雜誌指嘟嘟的鼻子有下塌危機，她說：「我冇唔開心喎，究竟乜嘢叫下塌，我都唔明，好似建築咁呀？」及後嘟嘟用手揑鼻說：「冇呀，都係咁樣啫。」
採訪：駱華齡
攝影：陳俊強
