元秋、李香琴、盧海鵬和森森前晚在佐敦出席亞視劇集《喜有此理》慶功宴，眾人更為李香琴慶祝七十四歲生日。
元秋約滿後要到內地拍戲，故未能繼續演出，改由森森飾演其角色，亞視獻花餞別元秋時，她不禁哭着說：「好唔捨得，拍咗三個月好似一家人咁，日日夜夜都對住，好擔心聽日一起身以為要返工呀。」
問琴姐收到甚麼生日禮物，她說：「我通常叫朋友送禮金，然後就攞晒去做善事，樓南光幫我搞，攞啲錢去買頸巾送畀老人院，今年都捐咗六位數㗎。」
麥家琪惡狗防賊
居住村屋的麥家琪，談到姚瑩瑩被賊人入屋爆竊，她說：「我有齊架生㗎，屋企有惡狗，我呢排日日發噩夢，個人好攰呀，瞓覺都閂晒啲窗，好彩同鄰居關係好。」
採訪、攝影：王崇穎