陳小姐：等緊睇舞台劇《大汗推拿》，套劇打正旗號──超爆笑社會關懷巨獻，大情、大性、大喜、大悲，好似道盡香港人心聲，一定係又一夭心夭肺之作。行過地鐵站瞄到海報，不禁俾演員誇張嘅化妝和搞笑表情吸引，多看兩眼。
Toby：下個禮拜尾Swatch會出隻農曆新年特別版膠表，表上面有個狗公仔，呢隻係Swatch第一次以生肖動物設計嘅農曆新年特別版，我有儲開Swatch，當然第一時間去買。
藝穗會節目統籌Tracy：吸塵機都可以做音樂，講真㗎！用4個吸塵機加埋2部手提電腦、2個keyboard，再加啲影像，就做成想像聲音，唔明？簡單講，即是即興音樂，不過，喺藝穗會畫廊只玩3日，每次只得15分鐘咋！免費喎！
家健：《最愛女人購物狂》套戲下個禮拜上，我一定會同女朋友去睇，一來佢係栢芝Fans，二來套戲好似我女朋友嘅寫照，佢日又買夜又買都係天生購物狂，睇完可以了解佢多啲，而且可以寸吓佢。
