今個禮拜熱門話題有兩單，一係香港猿人已落實在中環開舖，位置正喺置地文華對面。另一熱話定要數香港Undercover，裝修工程已近完成，聽講成間舖黐滿花，好不浪漫，並已決定於1月尾柴灣開舖，就喺GARCONSguerrillastore後面，聽講到時有唔少特別版開賣，一定有好多排隊黨出動。之前曾傳出尖沙嘴開UC女裝專門店，涉嫌搞手乃係最近活躍於尖沙嘴嘅多媒體全能橋王「魯祖宗」。17度微涼天氣下，佢頸上仍圍上野戰迷彩頸巾，襯以日本「道樂」牛仔褲，就此事佢笑咪咪回應：「呢場實在係美麗的誤會，之前我所講尖沙嘴UC其實係指UCCcafe，到時附近會有間舖賣UC水貨，以女裝為主，唔知點解啲人傳傳吓就話我開女裝UC，實在太睇得起我喇，哈哈！」咁又俾佢拆到，實在佩服。其實想知道香港UC專門店第一手消息，介紹大家上www.think-silly.com。
大食jack（[email protected]）