第八年擔任時裝品牌代言人的蔡少芬，早前拍攝平面廣告，她表示每次拍廣告感覺就像與靚衫合作演戲，不同款式的服裝就如不同的劇本和角色，無論古代、現代、少女味、野性的角色（服裝），蔡少芬都有信心演繹出味道來。
蔡少芬早前在九龍塘拍攝時裝品牌Moiselle新一輯平面廣告，今年是她與該品牌連續合作第八年，蔡少芬說：「成功度過咗七年之癢，每次同佢哋合作，我都有同情人一齊嘅感覺，所以間唔中都要增加啲新元素。」
喱士刺繡添韻味
蔡少芬續說：「我覺得每次都好似接咗個新角色嚟演咁，影一輯相要換唔同嘅衫，就好似同啲衫做戲，Moiselle嘅衫季季風格都唔同，好百變，例如有古典味、都市味、高貴同野性，好似今次呢批衫好多喱士同刺繡，好有少女味，我就要演繹佢嘅味道出嚟，好似演戲咁好玩，而且合作咁多年，大家都好滿意大家嘅演出。」
無懼黎姿爭飯碗
當日Moiselle老闆娘Shirlery亦在現場監督，她透露計劃在英國開店，進軍海外市場，亦會引入更多代言人，如黎姿（GiGi）擔任副線MademeMoiselle的代言人，但與蔡少芬毫無衝突，蔡少芬亦說：「即係話GiGi亦都有唔同嘅劇本同角色啫，如果有一日被淘汰，係代表你做得唔好，同其他新代言人冇關係。」
採訪：RitaLeung
攝影：HoKwokHo
