𠵱家國內好多辦公室都鍾意養寵物，希望令間公司可以活潑啲，呢款懶人魚就最啱啦。佢哋對水質要求唔高，換水時只要加入少少鹽沉澱氯氣就可以。懶人魚重有神仙肚，一個月唔餵佢，佢哋都可以食自來水入面嘅微生物，食足一個月。呢款魚最平都要十五蚊人民幣一條，極受廣州白領歡迎，每年出貨超過十萬條。