拒拍拖:慳番啖氣暖肚<br>陳敏之嫌天明污染檔案

拒拍拖:慳番啖氣暖肚
陳敏之嫌天明污染檔案

下周二是陳敏之二十七歲生日,她已準備連續三晚慶祝,陳敏之揚言無膽闖情關,亦不祈求真命天子出現,但她樂於笑談兩位緋聞男友林峯和洪天明,她表示林峯是大哥,洪天明則令她惡心。

陳敏之下周二踏入二十七歲,她在生日前兩天會在一間餐廳舉行fans聚會,翌晚則與朋友唱K食飯,正日則會與母親及弟弟一家三口打邊爐樂享天倫。

「我驚害咗人」

談到生日願望,陳敏之日前在電話中說:「希望今年遇到啱我嘅角色,有啲正嘢爆出嚟。」問她會否同樣渴望有新男友爆出來?她即哈哈笑說:「唔好,多謝夾盛惠,呢幾年都唔使,我驚害咗人,又驚人哋害咗我,拍拖開心就梗係好,但實會炒嘢(嗌交),一炒嘢就影響,慳番啖氣暖肚好過。」
陳敏之年前與揚明有過一段情,她表態驚拍拖,是否曾經滄海難為水?她說:「都係嘅,其實當時雙方都有啲唔啱,但過咗去啦,我𠵱家好開心。」
陳敏之入行以來緋聞不多,緋聞對象只有洪天明和林峯,談到洪天明,陳敏之笑說:「佢當我係男人呀,佢話同我傳緋聞拉低佢嘅質素,我夠話佢污染我嘅檔案啦。嗰次係我拉佢入間舖食嘢,但就寫我拖佢,好惡心呀,佢成日呼喝我做嘢㗎,但講真,佢係一個好人,好有義氣,好洪金寶,同佢做朋友好正,我哋係friend到爆,但做女朋友就唔得。」
至於林峯,陳敏之笑說:「識咗林峯好多年,佢好有大哥氣派,好照顧身邊嘅人,但同佢傳緋聞就好無聊!」
採訪:朱倬誼
攝影:葉君海
服裝:Bella
場地:一號銀海

陳敏之:天明當我男人咋!

自與舊愛揚明分手後,陳敏之揚言至今未敢再闖情關。

陳敏之早前被拍到與洪天明(右)拖手吃消夜而傳出緋聞。《壹週刊》圖片

洪天明。資料圖片