吳日言（Yan）早前應「迪士尼樂園奇妙世界」邀請，與幾位品學兼優的小歌迷到樂園玩了一整天，阿Yan更擔任導遊及保母角色，向他們講解園中的設施，又與幾位「迪士尼朋友」拍照。
吳日言是標準迪士尼卡通迷，自從香港迪士尼樂園於去年九月開幕，阿Yan至今已去了四次。早前阿Yan獲「迪士尼樂園奇妙世界」邀請，再次去到玩樂，今次她還挑選了幾位於博愛醫院陳國威小學就讀的小fans一起同遊。
據知阿Yan今次所選的小fans，均在考試中獲得好成績，同時他們的父母都忙於工作，難以抽時間帶他們外出玩樂，阿Yan遂肩負保母及導遊的角色，與幾位小朋友反轉迪士尼。
唐老鴨教擺甫士
阿Yan出發時先做了一項問卷調查，原來幾位小朋友都十分喜愛米奇老鼠、唐老鴨以及大鼻與鋼牙幾位「迪士尼朋友」，故她們甫到達樂園便去排隊拍攝合照。當阿Yan去到唐老鴨面前時，唐老鴨表現得非常雀躍，更教她擺出不同的甫士拍照，阿Yan說：「我走埋去同唐老鴨影相時，都問佢知唔知我係邊個，佢即時將兩隻手平排放喺額頭前扮我個冬菇頭，之後重同我一齊拗晒腰擺甫士影相。」
自覺稱職好享受
阿Yan也與小fans們進攻不同的機動遊戲，但由於他們玩耍時太投入，竟然忘記拍照，幸好之前有跟幾位迪士尼朋友合照。阿Yan覺得能與幾位小fans聚會十分高興，她說：「可能我係家中獨女啦，所以我細個好少有小朋友同我玩，所以今日我好enjoy同幾位小fans相聚嘅時間，而且佢哋都好乖好聽話，令我覺得自己做保母都好稱職。」
採訪：李珮洳
