久違了的鄺美雲前晚往跑馬地出席一護膚品活動，問到十分痛錫她的鄭裕彤最近與葉璇上契，兩人更被雜誌偷拍得在除夕舞會上依偎共舞的照片，她聞言兩番哈哈大笑，指這是開心事，她自己則當是娛樂新聞一則來看。
曾經甚得鄭裕彤寵愛的鄺美雲，前晚往跑馬地出席護膚品牌Valmont二十周年慶祝活動，她與鄭裕彤父子一直甚有淵源，更一度與鄭裕彤次子鄭家成談婚論嫁，年前她投資珠寶生意亦稱彤叔不時提點她。
未曾共舞
最近彤叔的寵兒明顯是力博上位的葉璇，兩人上契為誼父女，早前除夕舞會上更被雜誌偷拍得葉璇姣擒契爺的照片。
鄺美雲前晚一聽記者提及此事時，已按捺不住哈哈大笑，她說：「係咩？咁咪好開心囉，我作為讀者都覺得呢啲報道好得意，我自己就冇同過彤叔跳舞，佢都冇請過我去除夕舞會，不過我近期就好少見彤叔，反而多啲見auntie（即彤叔太太）。」再問鄺美雲對雜誌用姣擒形容葉璇有何看法？她再度狂笑不止說：「我真係唔知點講，都係當娛樂新聞一則咁睇囉。」
讚水汪汪
鄺美雲表示不認識葉璇，亦未看過她演出的電視劇《情陷夜中環》，問她覺得對方靚不靚？她說：「我未見過佢真人，但佢對眼係幾水汪汪嘅。」眼睛水汪汪是否很易迷倒男人？鄺美雲即笑說：「咁你就要問番啲男人，我唔敢講呀。」
採訪、攝影：林妙萍
