中原九龍何文田豪宅新舖噚日開張，喺窩打老道曾榕大廈地下，屬超級巨舖，三千五百呎，聽講坐得落五十個同事，可以集合三隊team，夠晒經濟效益。
蘭西喺舖入面來回一轉都要分幾鐘，佢哋話呢間旗艦店係區內至巨嘅，租金六位數字，但比起九龍最貴嗰，即係大角嘴奧海城嗰間，平成半，都可算係抵。
個舖除咗夠大，門面重夠晒闊，門口都有幾個，可以將啲買家一網打盡，除咗擺得落幾十張寫字枱，入面重有間幾十呎嘅會議室，方便傾生意，佢哋話前晚就成咗間何文田京士柏山house，四千幾萬，唔知係咪用呢間會議室呢。
喺區內揸開車嘅人，都應該識得呢個位，事關以前係做車行嘅，呢度重有個特別之處，就係去廁所要搭𨋢上三樓。
電郵地址：[email protected]