婦女事務委員會噚日提交家庭暴力研究報告畀政府，做埋呢份報告，擔任主席嘅Sophie梁就告退，由高靜芝接任。Sophie前排大病一場，佢話𠵱家身體已經好番晒。
婦委會噚日同傳媒聚餐，講番婦委會嘅工作，Sohpie覺得好成功，因為資源好少，但就做咗好多工作，好似性別觀點主流化咁，好多政府部門都聽咗佢哋嘅意見。Sohpie重形容佢哋嘅工作好似癌細胞咁，發展得好快。呢個比喻認真麻麻，通常都唔係形容好嘢，希望係八方聽錯啦！
傳媒人何安達係婦委會嘅委員，佢講笑咁話，當初政府問佢有冇時間入委員會，但就冇同佢講係邊個委員會，咁啱嗰排講緊中央屠宰，搞到佢以為係做中央屠宰，到最後先知係婦女會！
傳真︰2623-9278
電郵︰[email protected]