大家最近如果有去澳門，行出澳門碼頭都會發現對面多了一幢巨無霸建築物，呢幢最新澳門「地標」就係銀河娛樂高34層的星際酒店（圖），呢間酒店，總投資額高達25億澳門幣，共有約500間客房及套房，剛剛平頂，設計師攞盡樓層高景觀一望無阻嘅優勢，除咗豪華客房及行政套房，特別設計咗兩間特大豪華套房SkySuite，有成6000平方呎佔盡全層。
第日過大海，唔使次次住文華咁悶，或者威斯汀咁遠。
不過，計華華話，間房大未必有用，有幾多人去澳門會留喺間房呢？尤其呢間新酒店大堂有240張賭枱，300個角子機，都唔使瞓啦。
銀河娛樂現時有75%博彩收入嚟自貴賓廳，但因為預計中場客比例會上升，所以喺星際酒店內設有140張賭桌的中場，試下個市，希望中場客及貴賓廳客戶雙邊進貢，如果得，送間房畀你又點話。