做搜尋器起家既Google.com，在美國威到極，佢哋自04年8月亦在港設立辦事處，華華日前同佢哋香港區話事人于凱元（圖）傾偈，佢話自己雖則係美籍華人，但舊年８月先由美國總部調來港，所以只係識好少廣東話，最鍾意就係食，尤其是係辣，四川水煮魚係佢至愛；公餘就多數上網Send下電郵，或者去Chatroom同人傾吓偈，間唔中都有去蘭桂坊蒲下Bar，嚟咗香港一年，已經識唔少新朋友。
講完自己就講吓公司，佢話Google家吓在港有6名員工，專責本地及東南亞業務，網上黃頁係第一個合作夥伴，今年會不斷請人，為擴大業務做準備，至於請幾多人，就要睇吓發展成績啦！