年近歲晚驚失竊？抑或想趁農曆年舉家外遊放心出門？係時候要諗吓使唔使做足事前的安全措施，換個套大門鎖。高科技電子鎖同指紋鎖日見普及，以密碼、指紋或聰明卡等開啟，唔使袋一大串鎖匙！嫌貴買踏實LowTech鎖，一樣可以有N重保險幫你看門口。
記者：陳偉林
攝影：陳陶鈞、陳偉林
ImageGirl：Irene
高科技看門口
指紋密碼雙防盜
可選擇以指紋或密碼，又或者雙重形式開啟大門外，重可以登記138位用家的指紋記錄。4粒AA電池用18個月，儲電耗盡時，門鎖對下重備有隱蔽式匙孔可插匙開啟㖭。
型號：ADELST900 $9,980（c）
集視像功能更放心
兼備指紋、密碼鎖同機械式門匙三合一設計，重可以接駁原廠彩色視像機，透過閉路電視屏幕知道邊個搵你，又可以透過遙控鎖開門㗎！
型號：KOCOM-KDLT1（電子密碼鎖）$3,280（c）
型號：KOCOM-KCV350（彩色視像機）$3,080（c）
真人發聲加醒目遙控
韓國新出品的雙重電子防盜門鎖，可以密碼開啟大門之餘，重可以電腦密碼卡拍卡開門，除備真人發聲功能外，重有留言服務用來提醒放學回家的子女；另備有遙控門鎖開關，以及兩大同兩細密碼卡方便收藏。
型號：IcopsI $2,600（b）
拍卡開門至方便
香港人嘟慣八達通，呢款智能式防盜門鎖亦係靠拍卡一嘟開門，既方便又安全。還附有5張電腦密碼卡同5條門匙。使用4粒AA電池。
型號：BoncoRF-01-X-F16 $3,800（a）
斜角匙膽唔怕百合匙
美國名牌，除備電子拍卡開門功能外，隱蔽式門鎖設計，屬防鑽爆同防百合匙開啟結構，皆因門鎖內裏構造好特殊，連帶條門匙亦屬特別斜角設計，無咁易俾人配到匙㗎！
型號：MedecoMED-EAB03B70（R）SS $3,280（c）
關門自動上鎖加人聲指示
韓國最新的指紋鎖，可儲存最多50個使用者的記錄之外，重有關門自動上鎖功能同人聲指示，就連夜間模式、自由進出模式等都可以自行設定，少不了還有低電量顯示。
型號：LiberoLB-500 $3,600（b）
踏實一樣有錢剩
N重保險
美國Medeco最新第3代防盜設計，除本身匙膽堅固耐用可有10年保用外，又獨有防偽造的斜角匙膽同門匙結構，若然要配匙的話，除咗要帶備配匙卡、買家簽名確認外，重要到代理商門市同畀低密碼至得。
型號：MedecoDH06 $2,480（c）
紅綠燈三色啱冒失鬼
來自以色列Mul-T-Lock的新款門鎖設計，俗稱紅綠燈的三合一匙膽構造，備綠、黃及紅的門匙配搭，當第一套綠色唔用轉黃色的話，原有綠色門匙便失效，咁就唔怕因一時冒失跌匙而要整套門鎖更換。
型號：Mul-T-LockMUL-064SVR2TSS $1,280（c）
入密碼隨時改組合
呢款產自日本的密碼門鎖，勝在款式簡潔又易用，備有三組不同密碼組合之餘，佢個匙膽重係堅固的精鋼同電腦密碼設計，唔怕撬門又唔怕俾人配用百合匙開啟。
型號：Keylex7000 $1,800（a）
預設一次出入
除有齊一般密碼門鎖的應有功能之外，最特別是可讓屋主特定預設一組密碼供一次出入，至合例如唔係經常進出家居的鐘點工人，又唔使留條門匙畀佢Keep咁麻煩。
型號：CodeLocks $1,800（b）
附加門鎖
屬附加門鎖設計，有精密的內膽構造之餘，門栓以精鋼製造，加上電腦門匙，跟原本的大門鎖起有雙重保護作用。
型號：Mul-T-LockMUL-51211623 $1,080（c）
雙膽老虎鎖
平平無奇的包裝，查實佢係至堅固的雙膽老虎鎖設計，有雙重保障自然用得放心。呢款澳洲鎖重有防撬的安全結構，而雙坑紋鎖匙亦唔怕俾人複製。
型號：LockwoodTwin355-NATISCDP $647.8（a）
售賣點
（a） 誠信建築材料有限公司
地址：九龍旺角道6號K地下
電話：23976061
（b） 快捷鎖類中心
地址：九龍旺角上海街668號地下
電話：23819883
（c） PLC鎖類及照明
地址：香港灣仔駱克道212號地下
電話：25199601