「當時情況好危急，我邊揸車邊㩒電話報警，點知驚到手騰腳震，將110報警電話㩒咗121。」藝人汪明荃、羅家英與兩名好友前日在深圳梅觀高速公路險遭車匪綁架，當時負責揸車的羅家英昨回憶起當時擺脫車匪驚險過程時仍一臉餘悸，他說：「呢排我都唔敢上去囉。」
公路穿插如拍警匪片
羅家英昨向本報記者講述事發經過時表示，前日下午四時許，他與「阿姐」汪明荃及兩名男女好友在觀瀾湖高爾夫球場打完波後；羅家英駕駛其掛有中港牌的平治四驅車載三人回港，當駛上梅觀高速公路不久，就發現一輛「萬事得」私家車尾隨其後。
「當時我行緊中線，架萬事得突然加油超前迫過來，個司機重攪低車窗用手勢叫我停埋一邊。」羅家英說：「當時車速好快，我又唔知發生乜事，坐後座嘅朋友大叫唔好停車，佢哋係車匪想綁架！」
羅家英一聽對方是車匪，即時大踩油門加速逃走，但賊車亦不放鬆繼續迫過去。羅家英表示：「當時我好驚，唔知點算好，於是即時一邊揸車一邊用手提電話報警，但電話一直不通，事後先知㩒錯冧巴。」他接着說：「我響條路上左穿右插，當時路上都有好多車，好危險，好似拍緊警匪追逐片！」
籲港人少駕車返內地
對方飛車追截約十公里直至梅林收費站時，羅家英情急之下將車轉到軍警車專用通道，並即時向收費站人員講明情況，同時再致電報警，而賊車見事敗亦從收費站出口離去。
年近歲晚，羅家英呼籲北上的港人近日少駕車返內地為妙，另外港人司機若在內地公路見到中港牌車輛遇事，最好發揮守望相助精神，幫忙報警。
本報記者