陳太噚日心情靚靚，去香港國際教賢學院周年大會做嘉賓嘅時候，停落嚟同八方一眾行家講兩句，話最近有同煲呔食過飯，不過傾過啲乜，就唔方便透露啦，淨係話煲呔新居入伙，遲啲都想去禮賓府坐吓。
佢又話覺得𠵱家啲教師壓力好大，勸佢哋應該多啲同人傾訴。
陳太致辭時提到一個好嘅領袖應該支持下屬，就算下屬做錯，都要幫佢一齊分析同解決問題。咦，咁陳太係咪即係讚緊阿瑟王李國章幫愛將羅范救火救得好呢？
陳太最後用咗美國已故總統列根對教育嘅睇法嚟做總結：教育唔係教人點樣得到想要嘅嘢，而係教人哋乜嘢係值得擁有。唔知呢句名言對繼續發功推行教改嘅羅太有冇啟發呢？
傳真︰2623-9278
電郵︰[email protected]