早前在亞視劇集《情陷夜中環》中飾演巴辣妹的梁敏儀，憑此劇與監製王晶結緣後，獲邀在新片《鬼眼刑警》中演出，王晶還叫她收起不太具美感的長腿，改露漂亮的背部，梁敏儀也對王晶十分信任，甘願為他行性感。
梁敏儀早前在剛播映完畢的亞視劇集《情陷夜中環》中飾演葉璇同母異父之姊、從事保險業的巴辣妹沈慕晨一角，她還憑演此劇與監製王晶結片緣，獲對方邀拍電影，故笑言自己年尾中大獎。
性感都要搞笑
近期王晶邀請梁敏儀在新片《鬼眼刑警》中飾演差婆，其中一幕要她裸露整個背部出鏡，她二話不說就爽快答應了，日前她透過電話說：「我覺得嗰場戲合理，公司（英皇）亦接受到，同晶哥合作過幾次，對佢都好信任，只要三點不露，劇情合理，OK嘅。」
擁有34B、24、35標準三圍的梁敏儀，未知曾否被王晶建議行性感？她說：「佢建議我收埋對腳，因為腳形唔夠靚，但可以着露背晚裝，即係將自己好嘅一面畀人睇，唔好嘅收起佢，就算行性感，都唔係好有女人味嗰種，可能係有搞笑成份嘅性感。」
受捧懶理緋聞
對於王晶為人，梁敏儀讚不絕口說：「佢會幫每個藝人去諗點做，盡量安排啱嘅角色，今次我喺《情》劇中嘅角色，都同以往好唔同，初頭拍時佢重話我勒住勒住，叫我去盡啲、生活啲，於是我就改，出嚟效果又OK。」
以往王晶跟不少合作女星都先後傳緋聞，新寵梁敏儀又會否擔心因獲器重而與他鬧緋聞？她聞言即笑說：「唔會啩？又唔係得我一個拍佢嘅戲，佢都有用男演員，我唔驚，啲人鍾意傳咪傳囉。」
採訪：朱倬誼 攝影：葉君海
化妝：[email protected]
髮型：[email protected] 服裝：Bella
場地：Pax
