來自台灣、有「翻版林志玲」之稱的二十歲模特兒余佳噥（Vanessa），早前獲星皓看中，簽約來港發展。雖然貌似林志玲，但Vanessa最欣賞卻是兩個嘉欣：李嘉欣和林嘉欣，欣賞前者的骨感美和後者的成就，更視星皓一姐林嘉欣為奮鬥目標。
余佳噥（Vanessa）在台灣任職模特兒，更被封為翻版林志玲，Vanessa坦言不時被途人錯認她是林志玲。
欣賞骨感美
Vanessa表示很開心被指酷似林志玲，因為她是台灣男士心目中的女神，不過她本人就最欣賞李嘉欣的骨感美。Vanessa以廣東話說：「佢真係好靚，有時身材唔使太豐滿，好似我嘅三圍就係32B、24、35，自己都幾滿意，亦冇諗過豐胸，因為我覺得簡單就是美。」
早前Vanessa獲星皓看中，邀請來港發展，闖出新天地，她說：「其實我做模特兒只係兩年，而且係parttime性質，亦同過唔同嘅歌手拍MV；咁啱星皓喺台灣搵新面孔嘅女仔，加上我又想學獨立，所以就嚟香港發展。」二十歲的Vanessa已具備獨立經濟能力，她說：「我用之前工作儲落嚟嘅錢照顧自己，到𠵱家都唔使問屋企攞錢。」
苦練廣東話
Vanessa來港發展已有個多月，每天都靠讀報紙苦練廣東話，下月更將與同門師姐盧巧音合作拍電影。Vanessa謂將主力在影圈發展，更視同樣來自台灣的林嘉欣為目標，她說：「我覺得嘉欣好叻，而且佢同我一間公司，佢喺電影圈成績亦好好，所以自己都好想好似佢咁。」
採訪：駱華齡 攝影：陳志嵐
髮型：Paul@TripleEdge
化妝：AngelYip 場地提供：梁山泊
