打官司同答問大會邊樣重要啲？對於馬丁嚟講，可能係前者喎，事關噚日佢晏晝要上庭，但撞正煲呔嘅答問大會，喺兩難之下，馬丁都係要專業至上，出席咗五分鐘答問會，就嗱嗱臨趕去法庭打官司，唔可以失場。
最終佢有趕返嚟立法會，但已經係尾聲，睇唔到煲呔嘅精采演出。
馬丁話點都要到一到，但泛民中嘅阿石同馮檢基，就雙雙缺席，冇出現到喎。八方覺得佢哋唔出現都好，嗰次煲呔無啦啦篤爆有六個人支持政改，佢兩個榜上有名，真係好無奈㗎嘛，所以見唔到煲呔，唔使兜口兜面眼冤，都未嘗唔係好事嘅。
傳真︰2623-9278
電郵︰[email protected]