《信報》賣唔賣定暫時唔賣，繼續傳得鬧哄哄，董事曹志明（曹仁超）噚日出席嶺大活動時親口證實「係有人洽商」，但佢本身冇參與，亦都好少理公司嘅事（呢一句都好精警），所以對內情完全唔清楚咁話！
曹Sir又話，洽商都好正常，事關年年都有人想買《信報》，身為小股東（佔5%股權），又同林山木夫婦相交咁多年，如果對方真係賣盤，佢都會支持。總之大股東點做，佢就照做啦！
至於彭博電訊社前日引述佢講賣盤嘅事，佢強調當時只係答咗一句「唔會評論其他傳媒嘅報道」，點知對方就當佢冇否認，結果搞到滿城風雨。
佢話「彭博」咁樣直情係「將啲說話擺入佢個口」！咦，咁兩億至兩億五呢個價真唔真呢？
傳真︰2623-9278
電郵︰[email protected]