李彩華（阿Rain）和緋聞男友蕭定一日前與友人一起到中環吃消夜，更同坐一輛保母車離開。阿Rain步出餐廳時，醒目地四圍張望，小心翼翼，當發現被記者追訪時，保母車司機更慢駛撇甩記者。
李彩華日前跟緋聞男友蕭定一和友人，一行五人到中環一間蠔吧消夜，吃至凌晨十二時左右離開，阿Rain離開時顯得小心翼翼，步出食店時，不時謹慎地四出張望，蕭定一和友人其後才緊隨其後離開。眾人先後登上同一輛保母車，阿Rain等人即朝灣仔方向離開，途中發現有記者追訪，司機即醒目地慢駛撇甩記者的採訪車。
自幼學打牌
此外，阿Rain稍後會跟陳小春和元華合作拍攝笑片《雀神》（暫名），她擔心跟愛搞笑的小春合作會被大整蠱，因笑不停而NG。原來阿Rain跟小春稔熟，她說：「我哋會喺套戲入面扮情侶，估計都會有親熱戲，但只要同劇情有關，我都覺得可以接受。」
阿Rain在片中飾演賭神元華的愛徒，是打麻雀高手，她說：「我七歲時就跟婆婆學打麻雀，但平時好少玩，因為對打麻雀冇乜耐性，不過有時一班朋友湊熱鬧，打吓都幾開心嘅。」問阿Rain接拍《雀》片，可會寓工作於娛樂？她笑說：「開工時打吓麻雀，唔知會唔會叻啲。」
採訪：比華利、娛樂突發組
攝影：陳偉權
服裝：SistyrMoon
髮型：Daniel@HipHairCulture
化妝：OmixB
