中原進軍澳門唔經唔覺已超過一年，前日禮拜三晚喺當地搞咗第一次周年晚宴，中原一眾高層都有過江出席，包括主席施永青、董事總經理黃偉雄，梗唔少得嘅係澳門中原董事總經理陳雁樓，同執行董事郭朝隆啦。 當晚重公布咗澳門中原首年度精英會名單，總共有二十一個前線同分行主管入選。 澳門中原都學香港咁，請嚟藝人做嘉賓，香港藝人廖碧兒獻唱多首金曲，令到全場氣氛進入高潮。