45條關注組嘅立法會議員湯家驊，噚日喺特首答問大會，用前日畀少數工商界否決檢討嘅勞工法例為例，質問煲呔究竟用乜方法解決呢類因為少數反對嘅民生問題，令到社會分化嚴重，破壞和諧。
煲呔即時搬出勞顧會之類一大堆指定答案，以為可以塞住湯大狀把口，點知湯大狀話佢唔係問民生問題，係想問煲呔點樣解決政治上工商界喺立法會以少數壓倒多數。原來煲呔表錯情，湯大狀只係轉一個大圈，根本又係插佢嘅政改方案。不過唔知係煲呔領悟力有問題，定係湯大狀詞不達意，個圈轉得大過頭，搞到大家牛頭唔搭馬嘴？
傳真︰2623-9278
電郵︰[email protected]