仲量聯行同三洋電子，協議成立一間聯營公司，仲量聯行佔九成，係大股東，其餘一成，由三洋及另一間日本管理公司平分，間公司主要幫三洋嘅生產設備做管理，其中梗係以物業為主啦。 呢項係仲量聯行進軍日本嘅踏腳石，管理三洋物業，令仲量聯行喺日本管理嘅總樓面，勁增一點二五倍，去到七百五十萬呎。 三洋預計，喺重整過程，五年慳番三成管理成本。