華華噚日提過利定昌父親、利孝和夫人嘅叔仔利榮傑去年年底過咗身，噚日利家喺香港殯儀館設靈，今日就喺中環聖約翰座堂舉行追思會，以基督教儀式進行。利夫人（圖一）噚日四點鐘就到靈堂，佢大讚呢個叔仔係大好人。陸續到來致意嘅高官名人重有李國章、鍾逸傑、柯清輝、國泰嘅陳南祿等等。「花旦王」芳艷芬就同個女楊世芳（圖二）及女婿一齊嚟，佢話佢先生楊景煌醫生同利榮傑係幾十年嘅好友，所以專程嚟鞠躬。
