台女楊蕙如自從被媒體曝光，善用信用卡，喺短短三個月賺取二十四萬多港幣後，被網友稱為「卡神」之餘，重有唔少創投公司高薪搵佢去做投資顧問，令佢受寵若驚。人紅真係「零舍不同」。不過，中國信託已經向佢發出存證信函，表示將會主動停止佢嘅信用卡，但楊女一啲都唔驚，要求銀行即管放馬過來！