十七位華裔小姐昨被委任為浙江旅遊大使，原本香港代表17號葉翠翠獲抽中接受綵帶頒贈儀式，但主辦單位卻誤將綵帶頒予9號江佩瑩，令葉翠翠大感不是味兒，在台下即晦氣地說：「都話冇緣㗎啦！」
十七位《2006年度國際華裔小姐競選》候選佳麗昨日應邀到金鐘香格里拉酒店出席浙江旅遊活動周的宣傳活動，並被委任為浙江旅遊大使。
「攞獎要靠實力」
原本香港代表17號葉翠翠獲抽中接受綵帶頒贈儀式，惜主辦單位竟誤將綵帶頒予吉隆坡代表9號江佩瑩，令葉翠翠在台上空歡喜一場，雖然二人事後表示無損友誼，但葉翠翠下台後即說：「都話冇緣㗎啦！我選港姐時都未試過抽中代表做任何嘢，今次選華姐明明抽中都冇份，證明冇緣，係天意。不過攞獎係要靠努力，同運氣無關。」江佩瑩則說：「只係好彩啫，我又企喺佢附近，大家都知冇嘢。」
葉翠翠連日來都盡地主之誼與佳麗到處購物，她說：「我哋一出去就十幾個，我有時都驚佢哋失散，所以小心啲，但難得今日我哋放假，會同佳麗一齊出去玩，之前我都同啲女仔去過買化妝品。」
採訪：卓寶花
攝影：葉君海
