警隊喺世貿會議期間，以女警打頭陣，成功以柔制剛克制到激進示威者，唔知一哥李明逵係咪見呢招咁成功，於是首次調派女總警司坐鎮負責發放警隊所有對外消息嘅警察公共關係科。
呢位有幸成為PPRB一姐嘅女總警司蔡黃鳳儀噚日首次同傳媒見面，佢笑話全個警隊冇一個總警司想坐呢個位。曾做過一年中學英文教師嘅佢話，會盡力同傳媒保持正面互動溝通。
而即將卸任PPRB一哥嘅馬維騄，就向佢嘅繼任者提出兩個「A」嘅錦囊，就係「Accessible」同埋「Available」，即係傳媒可以容易搵到你，同埋提供有用嘅幫助。
傳真︰2623-9278
電郵︰[email protected]