下肢癱瘓要靠電動輪椅出入的江任平，由於輪椅的操控桿早前損壞，無法操作，令他出入不便，蘋果日報慈善基金遂於「電動輪椅專戶」撥款助他維修，目前輪椅已經維修妥當，阿平終可出入自如，告別「失去自由」的日子。
操控桿一度失靈
「輪椅壞咗嗰段期間真係好麻煩，我要靠太太用手推輪椅推我出入，𠵱家維修完就唔同晒，我可以得閒出去探吓病友，同佢哋傾偈，個人都開心啲。」阿平喜孜孜地說。
四十八歲的阿平經歷大起大跌，他原任職警察，惟二十多年前不幸患上腦炎，以致下肢癱瘓，要靠輪椅代步，無法工作，健康與前途兩失，現與妻子依靠綜援金度日。
由於阿平雙手漸感乏力，他於一年多前開始改用電動輪椅出入，惟因他使用頻密，機件損耗性高，以致操控桿失靈，但他無力負擔一千多元購買零件費用，獲蘋果基金資助。
「電動輪椅」專戶對我哋呢啲傷殘人士真係幫助好大，如果吓吓要向社會福利署申請，唔係咁易，同埋唔知要等幾耐。」阿平說。
回應：專戶募集捐款支持
蘋果日報慈善基金於○二年設立「電動輪椅專戶」，籌款資助一些經職業治療師評估後，有需要使用電動輪椅的傷殘人士購買有關器材，以及支付維修費用。
專戶靠善長捐款支持。另亦歡迎社會服務機構社工或職業治療師轉介求助個案。
查詢電話：29908688
「電動輪椅專戶」捐款編號：C0550
服務熱線
電話：29908288
傳真：23702192
電郵：[email protected]