剛與鄭伊健分手的梁詠琪（GiGi）昨早往拍廣告時，一臉憔悴兼頭耷耷。有指GiGi不滿伊健身邊的豬朋狗友，陳小春昨談及此事時說：「如果GiGi咁講就好唔禮貌，梁詠琪我對你太失望。」
陳小春昨日接受新城訪問，談及鄭伊健和梁詠琪情變，他表示曾致電慰問伊健：「我打畀佢問使唔使去佢屋企搵佢，佢都話唔好搞啲咁嘅嘢。」提到日前伊健出席活動時雙眼通紅，小春說：「阿Gi（梁詠琪）可能好堅強，伊健就冇咁堅強，大家都知道伊健嘅性格比較小朋友，好單純。」
「我對你太失望」
提到有雜誌指GiGi不滿男友伊健身邊的豬朋狗友，一向指雜誌作嘢的小春竟忽然盡信報道，並說：「雜誌通常講啲嘢都啱㗎，尤其係香港嘅雜誌，自由港，自由講。豬朋狗友？今年狗年，但我屬羊，如果GiGi咁講就好唔禮貌，咁形容我同伊健真係好冇質素，我同佢（GiGi）見面淨係會打招呼，我同伊健根本就好少見面，如果咁都話我係豬朋狗友，我抵死，我認。Ladyfirst，唔睇僧面都睇佛面，呢單新聞都幾唔開心，如果真係事實嘅話，梁詠琪我對你太失望。」問小春其言論是否代表力撐伊健，他說：「梗係，唔通撐梁詠琪呀？」
放長假療情傷
此外，GiGi昨早九時許坐保母車往西貢拍Fancl廣告，見她下車時耷低頭，神情憔悴，手上拿着數本英文書，大抵是用來消磨時間，至晚上六時許拍攝完畢後，她即返回匡湖居寓所。據悉GiGi自分手後，除了已排好的工作外，幾乎都足不出戶，跟友人聊及感情事時又經常流淚。據知GiGi計劃放長假出外散心，其經理人公司發言人陳小姐昨在電話中說：「GiGi係會放假，其實佢每年農曆年都會要求放假，絕唔係話要療情傷。」
採訪、攝影：卓美娟、胡比
