教師壓力成為城中熱門話題，曾經喺嘉諾撒聖芳濟各書院教書嘅馬力，都不忘分享吓經驗，佢話相比以前，𠵱家教師嘅工作量肯定多咗一倍有多，好明白點解教師咁辛苦。
講開教書時代，馬力梗要講吓威水史，佢記得自己八五年教嗰班中七學生，高級程度會考中國文學科成績真係幾好，有一半人攞C，三分一更攞到A，好巴閉。原來馬力嗰時都有出版俗稱「天書」嘅精讀課本，大讚自己貼試題都好準，而天書亦好好賣，結果為佢帶嚟唔少版稅收入。
佢重話啲學生除咗功課問題，就連感情同屋企問題都會請教自己，乜都要理，自嘲當時其實似「菲傭」多啲。
傳真︰2623-9278
電郵︰[email protected]