牛蜱惡狗行兇<br>明星PetPet騷:譚小環孖寶連環被噬

牛蜱惡狗行兇
明星PetPet騷:譚小環孖寶連環被噬

譚小環養的兩頭愛犬GiGi和LuLu,早前先後經歷不幸事件。十三歲的GiGi上月行山時遭牛蜱蝨咬傷一度病危;而十一歲的LuLu早前亂吠闖禍,慘遭惡狗咬傷。

譚小環的愛犬分別是十三歲的貴婦狗GiGi和十一歲的摩天使LuLu,兩犬相處融洽,小環工作忙,GiGi和LuLu肩負陪伴小環雙親的重任。性格乖巧的GiGi最擅長站立做恭喜動作,但不幸上月牠陪伴小環雙親行山時,被牛蜱咬,破壞了血管組織致不良於行。

深得譚母歡心

小環說:「爹哋媽咪都為佢做足預防措施,幫佢噴定藥,可能咁啱啲藥就嚟到期,藥力即將失效,GiGi咁唔好彩俾牛蜱咬到,獸醫都話好彩及時救番,如果再遲啲,GiGi就好危險。」由於GiGi死過翻生,所以甚得小環痛錫。
LuLu就比較野蠻,喜愛大吵大鬧。小環說:「LuLu絕對係一隻門口狗,佢有時為咗搶嘢食,會吠唔停。佢好得我媽咪歡心,有時媽咪去完日本旅行,除咗專登買一箱箱狗糧返嚟畀佢食,重會買好多元貝畀佢做零食,媽咪都冇買手信畀我,但GiGi同LuLu係寵物就反而有手信,你話我係咪好激氣,媽咪幾偏心㗎!」
LuLu經常口多多狂吠,早前因此被一頭約瑟爹利咬傷,小環說:「嗰隻狗咬到LuLu頸部內出血,又要睇醫生,睇親獸醫都唔平,所以養佢兩個冇病冇痛就OK,一有病痛,我荷包都幾傷。」

地位無法取代

GiGi和LuLu年紀已不輕,問小環有否打算再養狗?她說:「暫時唔會養新狗,唔想分薄對GiGi同LuLu嘅愛,如果將來佢哋真係離開我,相信都冇狗可以代替,我可能唔再養狗啦。」
採訪、攝影:比華利
髮型:SamNg@LeSalon
服裝:HeroicRendezvous

《抵錫貴婦狗》
GiGi

《野蠻摩天使》
LuLu

帶愛犬去街街,譚小環左一袋右一袋,認真大陣仗。