關淑怡開騷尋童年照

關淑怡將會喺下月尾喺紅館開三場演唱會，佢話一啲都唔擔心門票銷售情況，因為早前內部優先訂購門券反應熱烈，差唔多爆晒。近日關淑怡忙緊籌備個唱，製作單位本來諗住喺其中一個環節度播出佢啲比較少見嘅相，但關淑怡話十年前借咗好多童年照畀一本雜誌時整唔見咗，佢希望當年負責嘅編輯可以幫佢搵番啲相喎。