港股今日的焦點，唔使問阿貴都一定係備受散戶追捧的新股靈寶（3330）掛牌。
雖然隻股超額認購倍數勁抽，加上同類股紫金（2899）近期股價愈升愈有，但經紀陳就不為所動，兼且潑冷水，佢話靈寶超購咁多倍，國際配售部份回撥咗一部份去公開招股部份，散戶心態普遍諗住賺快錢，大戶點會咁好人大幅炒上去畀散戶走貨。
芬佬離場難有運行
另外，因為大股東被廉署拉咗，停牌一年有多的創維數碼（751）昨日復牌，斬倉盤紛紛湧現，股價一度低見1元，最後收1.09元，跌59.18％，成交股數5.84億股，金額6.55億元。
小初見隻股1元似乎守得好穩陣，兼且公司仍然運作緊，電視機照賣，所以有啲心郁想博反彈，但經紀黃話，昨日沽盤主要來自芬佬，一隻股份如果有芬佬捧場，股價差不多升硬，相反芬佬離場，隻股就好難有運行。
慕容小初