有個妙齡女子，噚日拎住紮花喺立法會好似搵人咁款。望真吓，發現原來佢係無綫姐仔曹眾，即係成日傍住六叔、有啲似鄧麗君嗰位。只見佢一路向住行會成員Bernard陳智思行過去，最後重將紮花送畀Bernard，可能眾目睽睽，Bernard收花時有啲尷尬喎。
原來噚日係Bernard牛一，無綫特登搵曹眾去同佢做訪問。問Bernard有乜生日願望？佢話希望啲會唔好開咁長。佢噚晚會同屋企人食飯慶祝，而屋企人亦已經有咗心理準備，預咗Bernard會遲。
講開Bernard，八方噚日又見到佢爸媽陳有慶、沈時芬，兩人結伴去睇陶瓷，陳有慶話除咗畀面老友，主要係陪老婆，事關陳太係其中一個主禮嘉賓。
傳真︰2623-9278
電郵︰[email protected]