美聯向來教導員工，要多留意街客，凡見到有人企喺舖頭門口，都要放低手頭工作，同客人打招呼，估唔到遇到劫匪，大派用場。 美聯戴永達，啱啱獲警務處處長李明逵，頒發好市民獎。話說當日，佢喺大埔中心舖頭，一面做嘢、一面留意舖頭門外有冇客，突然見到門口有個女人跌低，同時，有人搶咗佢個手袋，戴永達即刻飛撲出去追賊，跑咗三百米，終於遇到巡警，合二人之力，將個賊制服。