以為個市會有啲調整，原來唔係，升市昂然進入第7日，恒指埋單升80點，收15650。1月期指高水105點，2月期指高水更達148點。以前講過，股市鍾意反底，期指高水唔一定代表個市向好，有時調轉嚟行，但如果係大高水，則又代表好市。短期大市，繼續反覆上升。
滙控（005）企定喺130.90元，定一陣後，向上移動，狗年來臨前，重見04年11月高位136.50元，機會有一半。當時，恒指只係13900，??家恒指升咗1750點，滙控則低5.60元。滙控炒落後，大條道理。
滙控C輪3400：滙控有水位，要搵C輪炒。搏殺啲，向3400埋手，4月初夠鐘，輪價43.5仙，溢價得0.3%，槓桿率30.1倍（有效20倍），引伸波幅11.5%。踏入狗年之時，假設滙控不動如山，隻輪都唔會點蝕水，因為溢價已低。滙控如果真係重見04年11月個價，則肥仔咯，值90-95仙，有權升1倍。
地鐵C輪9112：地鐵（066）升4.2%，末日C輪3459飛530%，9072飛112%，9073飛66%。
搭地鐵呢班快車，可揀第2大成交嘅9112，昨升21%，07年6月到期，輪價22.2仙，溢價13.5%，槓桿率7.2倍（有效4.2倍），引伸波幅29.1%。
章盛