名模樂基兒與黎明愛得甜蜜，有影皆雙，昨晚樂基兒在台灣為Dior行騷，仍不忘談情說愛，她接受傳媒訪問時，不但談笑風生，當公關為她擋駕時，她竟搶着說自己與黎明的戀情：「係命運令我哋一齊。」 台北直擊
黎明與樂基兒相戀後，兩人經常高調約會，近日樂基兒要到台灣行騷，獨留男友在港。不過黎明亦不愁寂寞，前晚便相約好友雷頌德，到尖沙嘴吃飯遣興。
承認戀情
樂基兒昨晚在台北101演出Dior騷，只見她心情大好，經常甜笑，問她與黎明拍拖是否很開心？她以英語說：「我嘅答案同以前一樣，都係唔回應，呢啲係私人事，而且要尊重其他人（指黎明）。」問她何時與黎明結婚？她就說：「我唔回應，通常呢啲問題唔係女仔講，所以答唔到你，雖然我可以為自己做決定，但係（結婚）係雙方嘅事，係關乎兩個人。」
對於有指黎明歌迷不喜歡她，樂基兒就說：「我唔知道，其實生命係不斷改變，冇人知一年、三年後會發生乜嘢事，我一個月前都唔知日日會有咁多人跟我、圍住我。」最後記者問她為何會與黎明走在一起，在場公關即擋駕說不要再問，但此時樂基兒卻突然主動說：「呢條問題我可以答，係命運令我哋喺埋一齊。」
舉止瀟灑
而前晚約八時，黎明與雷頌德在尖沙嘴樓上樓火鍋店吃晚飯，為免受騷擾，兩人選在貴賓房用膳。約兩小時後，他們才離開火鍋店，記者上前跟他打招呼，黎明友善地說：「我同朋友食飯啫，我𠵱家返屋企喇！」說罷即雙手插袋，瀟灑地跳入車廂。
採訪、攝影：娛樂突發組、顏英儀、黎寶蘋
