蒙嘉慧及吳啟華等昨日出席劇集《樓住有情人》煞科拜神，蒙嘉慧公然屈吳啟華出錢擺煞科宴，吳啟華即表示已準備萬多元請客，更笑指蒙嘉慧「好鬼cheap」。
蒙嘉慧、吳啟華、曹永廉及唐詩詠等昨日齊集將軍澳電視廣播城，出席劇集《樓住有情人》煞科拜神儀式。
三年後轉行
蒙嘉慧一見吳啟華即大呼：「我哋嘅煞科宴就決定由吳啟華請啦，佢唔介意嘅！」
在旁的吳啟華聞言即說：「呢個係做男主角嘅其中一個條件，蒙嘉慧真係好鬼cheap㗎！通常都係幾個主角一齊請㗎啦，我都預咗萬幾蚊，不過女仔通常都係孤寒啲。」
現年四十歲的吳啟華仍是單身，他表示有意結婚生仔，他說：「我哋做呢行啲時間咁唔穩定，冇時間識女友，遲啲我退居幕後或者轉行，咁會多啲時間，就算真係有老婆仔女，都可以有時間陪佢哋，希望四十三歲嗰陣可以轉行做生意，做啲時間穩定嘅工作。」
此外，蒙嘉慧又自爆有個粗口花名，她說：「好多人成日叫我個名，叫快啲就會叫成『無×謂』，拍戲嗰陣佢哋成日都係咁樣叫我，搞到個個都笑，我都唔知道究竟應唔應佢哋好，如果唔應又話我寸喇！」
採訪、攝影：卓寶花
