組合Twins和關智斌（Kenny）昨日接受商台訪問。最近Twins推出賀年歌，周啟邦夫婦亦客串演出MV，蔡卓妍（阿Sa）覺得他們十分恩愛，羨煞旁人。
記者笑指阿Sa這麼恨嫁，難怪在愛郎鄭中基看演唱會當晚，公開恨嫁宣言，阿Sa聞言嬌羞地說：「我都冇，俾你哋激死，我係同歌迷講之嘛。唉，今次賴嘢，我唔講喇！唔想愈描愈黑，我𠵱家唔恨嫁，只係得二十三歲，重有大把青春。」鍾欣桐（阿嬌）在旁和應說：「相士話我哋係事業型女性，會遲婚㗎。」
Kenny父催婚
而Kenny則表示父親不斷催婚，他說：「我恨娶呀，但冇人嫁我，我爸爸想快啲抱孫。」Kenny在專輯的相片中做出不同表情，被阿Sa取笑為「高潮樣」，Kenny尷尬地說：「導演叫我做興奮嘅樣嘛，先影成咁。」
採訪、攝影：駱華齡