華華噚日見到兩段訃文，得知兩位財經界猛人，蘇格蘭皇家銀行亞太區總裁袁鯤濤嘅爸爸過咗身，希慎主席利定昌嘅父親亦辭世，兩位老人家都八十有七，係笑喪。
袁鯤濤係本地滙市第一代交易炒手。70年代港大出咗一批賓卡，如72年有恒生大班柯清輝，73年到前財爺梁錦松、德意志銀行香港區行長羅志偉，74年有袁鯤濤，75年為滙豐總經理梁高美懿，佢哋都好成功。蘇皇最近入股內地中國銀行，袁有機會代表蘇皇去內地中行做高職，情況同代表滙豐入交行嘅葉迪奇相若。
至於利定昌，係希慎利家後人，系出名門，01年做希慎主席之外，本身又係國泰、恒生、SCMP、馬士基（中國）等公司的非執董，亦係地產建設商會副主席，都唔使多介紹。