中原有近三百間分行，要喺內部比賽中勝出，並唔容易，上個月冠軍分行揭盅，由銅鑼灣分行攞到，生意額近一百零二萬。 間行由區域經理黃鉦甯打骰，佢九六年入行，九九年開始，做東半山及跑馬地區，經驗豐富。 黃鉦甯話，分行有九個同事，情同手足，重有家嘅感覺，行內有電視、雪櫃等物品，試過有同事做夜咗，索性留喺度瞓。